У Польшчы затрымалі футбольных фанатаў, якія нелегальна ўвозілі цыгарэты з Беларусі
Паліцыя ў польскай Сілезіі затрымала чатырох чалавек, звязаных з коламі футбольных хуліганаў, якія нелегальна ўвозілі і распаўсюджвалі ў Польшчы цыгарэты з Беларусі, Украіны і Расіі. Падазраваным ад 36 да 61 года, у ліку затрыманых — адна жанчына, піша Most.
25.04.2024 / 15:46
Па звестках паліцыі, усе затрыманыя ўваходзілі ў арганізаваную злачынную групу.
Паводле версіі следства, 36-гадовы мужчына арганізаваў увоз у Польшчу больш за 4 млн цыгарэт без польскіх акцызных марак і 1,9 тоны тытуню. Кантрабандную прадукцыю ён распаўсюджваў праз сваіх змоўшчыкаў. У выніку ён забяспечыў сабе пастаянную крыніцу даходу, а бюджэт недаатрымаў каля 7,3 млн злотых (каля 1,8 млн даляраў).
Паліцыя правяла ператрусы па чатырох адрасах у Сілезіі, у адной з кватэр канфіскавалі 80 тыс. злотых (каля 20 тыс. даляраў). Усім затрыманым выставілі абвінавачванні ва ўдзеле ў арганізаваный злачыннай групоўцы і кантрабандзе, яны прызналі віну.
Лідару групы пагражае да 15 гадоў пазбаўлення волі, а яе шараговым удзельнікам — да васьмі.
З Беларусі ў Маскву везлі больш за паўтоны вустрыц і лобстараў, схаваных у офіснай мэблі
У Польшчы знайшлі паўмільёна пачкаў беларускіх кантрабандных цыгарэтаў. Іх перавозіў літовец
Як перавозіць у Беларусь лекі, каб не атрымаць за гэта крыміналку