У Мінску ў раёне вуліцы Еўфрасінні Полацкай у выніку ДТЗ перакулілася маршрутка.

Пра гэта паведаміла прэс-афіцэр ДАІ Фрунзенскага раёна сталіцы Алена Волчак.

«Сёння ў 9.30 на вуліцы Еўфрасінні Полацкай кіроўца легкавога аўтамабіля KIA, рухаючыся з боку вуліцы Прытыцкага ў напрамку Адоеўскага, паводле папярэдніх звестак, не саступіў дарогу маршрутцы ГАЗ №1134 «Акадэмія навук — Малінаўка».

У выніку сутыкнення маршрутку падкінула ўверх, яна перакулілася і ўпала на Fiat, якім кіравала 35-гадовая грамадзянка», — сказала Алёна Волчак.

У ДАІ адзначылі, што ў ДТЗ пацярпелі трое пасажыраў маршруткі — дзве жанчыны і мужчына. «З траўмамі рознай ступені цяжкасці яны дастаўлены ў медустановы», — дадала прэс-афіцэр.

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?