Моцныя маразы: у навагоднюю ноч — да мінус 13 на поўдні, 18 на поўначы, у ноч на 2 студзеня — да мінус 25 на поўначы 2

У бліжэйшыя суткі, 31 снежня, будзе пераважна без ападкаў, толькі месцамі па ўсходзе невялікі снег. Ноччу і раніцай у асобных раёнах слабы туман. На дарогах месцамі галалёдзіца. Вецер паўночны, слабы да ўмеранага.

Тэмпература паветра ўначы -9..- 14°С, месцамі -15..- 20°С, днём -4..- 10°С. Атмасферны ціск будзе падаць.

1—2 студзеня надвор'е будзе фармаваць вобласць павышанага атмасфернага ціску, сфармаваная ў халодным арктычным паветры.

1 студзеня захаваецца марознае надвор'е. Тэмпература паветра ўначы -9..- 16°С, пры праясненнях да -18°С; днём -5..- 12°С.

У асобных раёнах пройдзе невялікі снег. На дарогах месцамі галалёдзіца.

2 студзеня маразы ўзмоцняцца.

Тэмпература паветра ўначы -13..- 20°С, пры праясненнях -21..- 25°С; днём -8..- 15°С, месцамі да -17°С.

У асобных раёнах невялікі снег. На дарогах месцамі галалёдзіца.

pogoda.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ