Дзіця шпіталізавана ў Магілёўскую абласную дзіцячую бальніцу, паведамляе тэлеканал «Беларусь 4».

Аднагадовае дзіця змясцілі ў рэанімацыю з прыкметамі цяжкай інтаксікацыі. Маці хлопчыка заўважыла, што стан сына рэзка пагоршыўся — ён стаў млявым, — а ў роце яна выявіла рэшткі цыгарэты. Жанчына адразу ж выклікала хуткую.

Дзіця, як аказалася, пажавала знойдзеную ў кватэры цыгарэту. Хлопчыку зрабілі прамыванне страўніка, яго жыццю нічога не пагражае.

Па словах медыкаў, нікацін асабліва небяспечны для маленькіх дзяцей: ён добра ўсмоктваецца ў арганізм у ротавай поласці і можа прывесці не толькі да атручвання, але і да комы ці нават смерці.

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?