Улады збіраюцца рэканструяваць зялёную зону паміж вуліцамі Танка і Кальварыйскай, піша tut.by

Малюнак: Мінскграмадзянпраект для tut.by.

Малюнак: Мінскграмадзянпраект для tut.by.

Раней тут хацелі пабудаваць шматфункцыянальны комплекс, але ў выніку адмовіліся ад гэтай ідэі. Праўда, сквер у цэнтры горада заставаўся неўладкаваны.

Фота tut.by.

Фота tut.by.

— Сквер не адпавядае абліччу сталіцы, і мы хочам прывесці яго ў належны стан. Тым больш працы па будаўніцтве метро набліжаюцца да завяршэння, і ўсе гэтыя часовыя праезды, якія ёсць на тэрыторыі сквера, будуць ліквідаваныя, — кажа кіраўнік Цэнтральнага раёна Дзмітрый Пятруша.

Таму Мінскграмадзянпраект распрацаваў канцэпцыю рэканструкцыі гэтай зялёнай зоны. У найбліжэйшы час адміністрацыя раёна плануе публічна абмеркаваць яе з гараджанамі. А пакуль апішам прапанаванае ў агульных рысах.

Па словах кіраўніка раёна, гэта будзе ціхі сквер для нягучных мерапрыемстваў, таму што побач знаходзяцца жылыя дамы.

— Мы хочам зрабіць месца, дзе людзі маглі б збірацца, мець зносіны, займацца спортам. Сквер будзе зонай вольнага перамяшчэння. Людзі спакойна змогуць хадзіць па газонах, выйсці сюды на пікнік або проста паляжаць на траве. Дарожкі плануем без бардзюрнага каменя, а плітка будзе з хаатычнай кладкай.

Мы пакідаем у скверы усе старыя дрэвы, плюс будуць падсаджаныя новыя.

Будзе падсвятленне як дарожак, так і дрэў.

Згодна з канцэпцыяй, увесь сквер падзеляць на тэматычныя зоны. Схематычна гэта выглядае так:

Малюнак: Мінскграмадзянпраект для tut.by.

Малюнак: Мінскграмадзянпраект для tut.by.

Бліжэй да супермаркета размесціцца зона сузіральнага адпачынку. Тут усталююць новыя лавачкі, а таксама пункты з ежай і безалкагольнымі напоямі.

Малюнак: Мінскграмадзянпраект для tut.by.

Малюнак: Мінскграмадзянпраект для tut.by.

На зоне культурных акцый плануецца нешта накшталт вернісажу. Гэта будуць шчытавыя канструкцыі бліжэй да Кальварыйскай, якія лёгка адаптуюцца пад любыя падзеі і святы.

Малюнак: Мінскграмадзянпраект для tut.by.

Малюнак: Мінскграмадзянпраект для tut.by.

Далей глядзім на зону сацыяльнай актыўнасці. Яна не разлічана на гучныя мерапрыемствы, але чаму б тут не зрабіць яшчэ адну кропку для выступаў вулічных музыкаў, разважае чыноўнік.

Малюнак: Мінскграмадзянпраект для tut.by.

Малюнак: Мінскграмадзянпраект для tut.by.

Зона гульнявых зносін задумваецца як месца не толькі для дзяцей, але і для дарослых. Па словах Дзмітрыя Пятруша, пры распрацоўцы гэтай зоны праекціроўшчыкі звярталіся да вопыту «Новай Баравой».

Малюнак: Мінскграмадзянпраект для tut.by.

Малюнак: Мінскграмадзянпраект для tut.by.

А вось кластар веды разлічаны ў большай ступені на моладзь. Тут павінны быць лавачкі ці лежакі, на якіх можна пазаймацца, а таксама бясплатны вайфай.

Малюнак: Мінскграмадзянпраект для tut.by.

Малюнак: Мінскграмадзянпраект для tut.by.

Будуць у скверы таксама зона фізічнай рэлаксацыі з трэнажорамі і зона для выгулу сабак з спецыяльнымі снарадамі для жывёл.

Малюнак: Мінскграмадзянпраект для tut.by.

Малюнак: Мінскграмадзянпраект для tut.by.

Такая вось канцэпцыя прапануецца менчукам для абмеркавання. Дакладная дату і месца абмеркавання будзе вядомая пазней.

Праект плануюць распрацаваць да вясны наступнага года.

Кіраўнік раёна разлічвае, што сквер стане новым прыкладам арганізацыі грамадскіх прастор у Мінску.

— У горадзе сквера такога нідзе няма. Мне здаецца, калі нешта рабіць — то рабіць трэба добра, а не проста засыпаць дарожкі асфальтагранулятам.

Клас
0
Панылы сорам
0
Ха-ха
0
Ого
0
Сумна
0
Абуральна
0