Фота: УНІАН

Калі Расіі ўдасца захапіць Данбас, няма гарантый, што яна не паспрабуе зноў замахнуцца на Кіеў, лічыць Зяленскі.

«Таму што я не давяраю расійскім вайскоўцам і расійскаму кіраўніцтву. Таму мы разумеем, што тое, што мы іх адбілі, і яны сышлі, і яны ўцякалі ад Кіева — з поўначы, з Чарнігава і з гэтага кірунку — гэта не значыць, што калі ім удасца захапіць Данбас, яны не прыйдуць далей да Кіева», — заявіў ён.

Афіцыйны Кіеў гатовы да дыялогу з Масквой.

«Калі ёсць магчымасць размаўляць, то мы будзем размаўляць, але не на падставе расійскага ўльтыматуму», — сказаў прэзідэнт Украіны.

Чым хутчэй такая размова пачнецца, тым менш людзей загіне, аднак не выключаны і іншы варыянт.

«Мы можам змагацца з Расійскай Федэрацыяй і 10 гадоў», — заявіў Зяленскі.

Але пакуль украінскае грамадства не хоча працягу дыялогу.

«Шанцы меншаюць кожны дзень, — выказаўся Зяленскі пра перспектывы перамоваў з Расіяй. — Падумайце пра Бучу, Валнаваху, Барадзянку, Марыупаль. Надыходзіць час, калі ніхто не хоча гаварыць. Наша грамадства не хоча, каб мы працягвалі перамовы».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру