Беларусь
Дзясятак самых танных яек С-1 у «Еўраопце» ці праз «Е-дастаўку» можна купіць за 2,58 рубля. Цукар у нас — 2,49 за кіло, 1 кг мукі лідскай вышэйшага гатунку — 1,47. Цукаты каштуюць 3,65 за 100 грам.
Фота: скрын з анлайн-крамы e-dostavka.by
Кіло ахалоджанай свініны, кумпяка, каштуе 14,85 рубля. Хрэн — 2,29.
Фота: скрын з анлайн-крамы e-dostavka.by
За такі набор у кошыку пакупнік аддасць 27,33 рубля. Гэта 2% ад сярэдняга заробку ў Беларусі. Ён у лютым 2022-га склаў чыстымі, за вылікам падаходнага падатку, 1360 рублёў.
Літва
Дзясятак яек тыпу С-1 у мясцовым супермаркеце «Максіма» ці яго дастаўцы «Барбора» абыдзецца ў 3,51 рубля (па курсе Нацбанка па стане на чацвер 1 еўра = 2,955). Кілаграм мукі вышэйшага гатунку — 3,98 (дарагая тут мука), цукар — 1,74 за кіло (у іх ён ужо нашмат таннейшы, чым у Беларусі). Цукаты для велікоднай булкі — 2,74 рубля за 100 грам.
Фота: скрын з анлайн-крамы barbora.lt
Свініна — 11,79 рубля за кіло (мяса ў Літве і таннае, і выдатнай якасці), хрэн (160 грам) — 2,92.
Фота: скрын з анлайн-крамы barbora.lt
Чэк з такімі прадуктамі складзе 26,86 рублёў. Гэта 0,86 працэнта ад сярэдняга заробку ў Літве. Ён складае тут за вылікам падаткаў 3130 рублёў чыстымі.
Польшча
У польскай сетцы «Карфур» купіць кіло мукі вышэйшага гатунку можна за 2,54 рубля (па курсе 1 злоты = 63 капейкі). Цукар — 2,20 за кілаграм, цукаты — 3,63 рубля за 100 грам.
Свініна — 11,22 за кіло (мяса ў Польшчы, як і ў Літве, вельмі даступнае), яйкі — 5,09 за дзесяць штук. Хрэн можна набыць за 1,71 за 160 грам.
Фота: скрын з анлайн-крамы www.carrefour.pl
Чэк з такімі прадуктамі складзе 26,39 рубля. Гэта 0,93 працэнта ад сярэдняга заробку ў Польшчы. Ён у 2021 годзе склаў 2843 рублі чыстымі.
Фота: скрын з анлайн-крамы www.carrefour.pl
Грузія
Кілаграм мукі вышэйшага гатунку ў мясцовым грузінскім супермаркеце можна купіць за 3,99 рубля (па курсе 1 лары = 1,11 рубля).
Фота: скрын з анлайн-крамы wolt.com
Яйкі — 6,21 рубля. Цукар — 4,16 за кіло, цукаты — 1,94 за 100 грам.
Фота: скрын з анлайн-крамы wolt.com
Кіло свініны ў анлайн-краме будзе каштаваць 23,29 рубля, хрэн — 4,44 за 160 грам.
У суме за такі кошык трэба будзе выкласці 44,03 рубля. Гэта 4,16 працэнта ад сярэдняга заробку ў Грузіі. Там ён складае 1057,99 рубля.
Такім чынам, прадуктовы кошык прыкладна аднолькава каштуе ў Беларусі, Польшчы і Літве. Але ж заробкі ў Польшчы і Літве больш чым у два разы вышэйшыя, чым у нас. А вось у Грузіі звыклы нам набор прадуктаў каштуе нашмат даражэй.
Чытайце таксама:
Як змяніліся цэны на прадукты з пачатку вайны
Беларускі рубель ўмацоўваецца. Чаму так адбываецца і ці адкруцяць цэны?
