Фота: AP
«Бо яго дастаўка і асваенне патрабуюць пэўнага часу, а бітва — гэта максімум два-тры тыдні ад яе пачатку. Вядома, першая частка пакета паспее прыехаць і адыграць сваю ролю. Але праз два-тры тыдні скончыцца гэты наступ.
А разам з ім, цалкам магчыма, скончыцца і актыўная фаза вайны, бо расійскім войскам больш няма чым наступаць», — адзначыў Арастовіч у інтэрв'ю «Медузе».
Ён патлумачыў свой прагноз тэмпамі вайны, колькасцю затрачаных боепрыпасаў і страт.
«Гэта не значыць, што баі цалкам спыняцца. Гэта значыць, што спыніцца актыўны наступ і, магчыма, гэта будзе апошні наступ другой фазы, бо я не ведаю, дзе яны возьмуць новыя рэзервы. Каб іх падрыхтаваць, патрэбны мінімум месяц, а то і два. За гэты час шмат чаго адбудзецца. І санкцыі пачнуць дзейнічаць, і ў міжнародным плане нешта здарыцца, і УСУ моцна ўмацуюцца за гэты час», — мяркуе Арастовіч.
Паводле яго слоў, разам з наступа скончыцца і актыўная фаза вайны. Цяпер РФ сабрала перадапошнія аператыўныя рэзервы. У раёне Белгарада — Валуек дзесьці 15 тысяч войска. «Але гэта няшчасныя, якія выйшлі з-пад Кіева, Сум і Чарнігава — — у іх псіхалогія расстраляных. Яны вельмі не хочуць ваяваць».
