А што з нормай у 300 еўра пры прыватных перамяшчэннях?
Шмат хто памятае, што з красавіка 2016 года дзейнічала норма для тых, хто перасякае мяжу часцей, чым раз на тры месяцы, — яны маглі бяспошлінна ўвозіць тавары на 300 еўра вагой не больш за 20 кг. Гэтая норма была адменена ў 2020 годзе ўказам нумар 146. Стала можна вазіць «па 500» і часцей.
Колькі трэба плаціць за перавышэнне?
Калі вага тавараў будзе вышэйшая за норму, пошліну палічаць па 4 еўра за кожны лішні кілаграм. Калі перавышэнне будзе па кошце, то разлік просты: ад сумы тавараў аднімуць 1000 еўра і на рэшту налічаць пошліну ў памеры 30%.
Што будзе ў выпадку перавышэння і па тым, і па іншым параметры? Супрацоўнікі мытні будуць глядзець, у якім выпадку пошліна будзе вышэйшая, тую суму і выставяць.
Што можна вазіць і як часта
Многія памятаюць, што ДМК калісьці прааналізаваў тэрмін эксплуатацыі некаторых рэчаў і звёў асобныя найменні ў табліцу. Напрыклад, тэлевізар можна было правозіць раз на тры гады. А шыны — раз на два. Цяпер нормы іншыя. Тэлевізар можна вазіць ужо кожны год, а тэлефонаў — адразу па два на год (не забывайце пра столь кошту і вагі).
Колькі грошай можна перавозіць?
Улічваючы, што беларуса могуць чакаць праблемы з карткамі, варта падстрахавацца гатоўкай. Тут правілы не змяніліся: нікому не паказваючы, правозіце грошы на суму не больш за 10 тысяч долараў. Калі больш — трэба дэклараваць.
Колькі будуць дзейнічаць новыя правілы?
У рашэнні падкрэслівалася, што новыя правілы — гэта часовая норма, якая будзе дзейнічаць да 1 кастрычніка 2022 года.
