У Жабінкаўскім раёне загарэлася машына хуткай дапамогі
Раніцай 17 мая на трасе М1 каля аграгарадка Ракітніца Жабінкаўскага раёна загарэўся аўтамабіль хуткай дапамогі. «Хуткая» ехала з Брэста і везла ў рэаніматары немаўля ў Рэспубліканскі навукова-практычны цэнтр «Маці і дзіця» ў Мінску, паведамляе прэс-служба МНС.
Фота: Міністэрства надзвычайных сітуацый
Да моманту прыбыцця пажарнікаў брыгада медыкаў і дзіця знаходзіліся на вуліцы. Узгаранне патушылі вогнетушыльнікамі кіроўцы, якія праязджалі міма, яшчэ да прыбыцця ратавальнікаў.
Ніхто не пацярпеў. А немаўля перанеслі ў рэанімабіль, які прыехаў з Брэста і працягнуў шлях на Мінск.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ