У Германіі выпусцілі маркі з партрэтамі беларускіх палітвязняў
«Вельмі важныя маркі» — так называецца акцыя нямецкага аддзялення Міжнароднай арганізацыі па правах чалавека. Праваабаронцы выпусцілі серыю паштовых марак з партрэтамі палітвязняў. Сярод іх два беларусы: блогер Сяргей Пятрухін і Святлана Купрэева са штаба Бабарыкі (яе вызвалілі з СІЗА пад падпіску аб нявыездзе восенню 2021 года), піша Deutsche Welle.
Мэта ініцыятывы — нагадаць, што лісты вельмі падтрымліваюць палітвязняў, а ўвага да іх спраў дапамагае прадухіліць катаванні ў зняволенні.
