Па яе даных, адгрузкі з Расіі ў першым паўгоддзі скараціліся прыкладна на 25%, а з Беларусі — на 50%. Пры гэтым вялікая частка беларускага экспарту ўгнаенняў прыйшлася на першы квартал гэтага года.
«Абмежаваныя пастаўкі калію з Расіі і Беларусі ўтрымлівалі цэны на калій на гістарычна высокім узроўні на працягу першай паловы 2022 года. Паводле ацэнак, пастаўкі калію з Расіі і Беларусі ў першай палове 2022 года скараціліся прыкладна на 25 і 50 адсоткаў адпаведна», — гаворыцца ў справаздачы кампаніі.
З лета мінулага года Белстат не публікуе звесткі аб экспарце калійных угнаенняў з Беларусі.
Абмежаванне паставак з Беларусі і Расіі вымусіла кампанію звузіць дыяпазон прагнозу збыту калію ў 2022 годзе да 61-64 млн т.
Таксама ў справаздачы адзначаецца складаная сітуацыя на рынку азотных угнаенняў.
«Рэзкі рост цэн на прыродны газ у Еўропе зноў прывёў да зніжэння аб'ёмаў вытворчасці азоту ў рэгіёне. Скарачэнне паставак аміяку ў Еўропу і значнае скарачэнне расійскага экспарту аміяку з Чорнага мора аказваюць ціск на глабальную даступнасць аміяку. Мы чакаем высокага сезоннага попыту на азот у другой палове 2022 года пасля перыяду адкладзеных закупак з-за валацільнасці базавых коштаў», — адзначылі ў кампаніі.
