Фота: Oleg Pereverzev
Пра гэта пішуць Reuters і The New York Times са спасылкай на заявы амерыканскіх чыноўнікаў.
Ва ўрадзе ЗША адзначылі, што рассакрэчваюць гэтае папярэджанне разведкі, каб данесці асцярогі афіцыйных асоб наконт пагрозы да максімальна шырокай аўдыторыі.
З папярэджаннем да ўкраінцаў выступіла і Галоўнае ўпраўленне разведкі Мінабароны Украіны. Асабліва асцярожнымі грамадзян заклікалі быць у Дзень незалежнасці Украіны 24 жніўня.
«Ёсць павышаная пагроза ракетных удараў і іншых правакацый, як унутры краіны, так і за мяжой. Расія і пуцінскі рэжым атакавалі незалежнасць Украіны. Яны сапраўды звіхнуліся на датах і сімвалах, таму цалкам лагічна было б перастрахавацца і быць гатовымі да таго, што і Дзень незалежнасці будзе атакаваны», — заявіў у эфіры нацыянальнага тэлемарафону прадстаўнік ГУР Андрэй Юсаў.
