Фота: Apple TV+

Першыя пяць эпізодаў серыяла прысвечаныя кожнаму з пяці дзён таго перыяду. Дадатковыя тры расказваюць пра наступствы ўрагану і асноўных дзейных асоб таго часу: ад дактароў, якія былі вымушаныя пакінуць сваіх пацыентаў і часам нават усыпіць іх, да тых, хто расследуе тыя падзеі і шукае вінаватых, піша CNN.

Дзеянне серыяла, заснаванага на кнізе лаўрэаткі Пулітцэраўскай прэміі Шэры Фінк, адбываецца ў адным з ньюарлеанскіх шпіталей. Мы бачым людзей, якія застаюцца сам-насам са стыхіяй, і з часам ружовыя прагнозы на тое, што выпрабаванне катастрофай будзе лёгка пройдзенае, змяняюцца на адчуванне безнадзейнасці, якое праз экран адчуеце і вы.

Спачатку медыкам кажуць, што яны прабудуць у шпіталі толькі некалькі дзён, а потым усіх эвакуіруюць, але час ідзе і добрых варыянтаў выратавання няма. Самых цяжкіх пацыентаў проста так не вынесці з бальніцы, але чыноўнікі адмовіліся пакідаць у шпіталі хоць каго-небудзь. Як звыкнуцца з думкай пра тое, што нехта з пацыентаў будзе вымушаны пакутаваць ці паміраць у адзіноце?

Стваральнікі серыяла шырока выкарыстоўваюць рэальныя кадры таго часу і ярка перадаюць ключавыя моманты — напрыклад, той, калі з дапамогай каляровых павязак медыкі вызначаюць, хто з пацыентаў будзе жыць, а хто — паміраць. Звычайныя людзі часам паводзяць сябе ў крызісныя часы так, як немагчыма было ўявіць.

Гэты серыял — не проста фільм-катастрофа, а яшчэ і магчымасць пашукаць адказы на цяжкія пытанні пра тое, як бы вы дзейнічалі і як далёка пайшлі б у такіх абставінах. Як выразіўся адзін з медыкаў у гутарцы са следчым: усяго пяць дзён, і ўсё развалілася.

Рэйтынгі на вялікіх сусветных рэсурсах:

IMDB — 8,1/10

Rotten Tomatoes — 90%

Што паглядзець. «Усё паўсюль і адразу» — таленавітая і вясёлая фантастыка

«Жанчына пры грошах» — лёгкая, яркая і кранальная камедыя пра падманутую жонку мільярдэра

Што паглядзець. «Чорная птушка» — захапляльная злавесная драма

label.reaction.like
label.reaction.facepalm
label.reaction.smile
label.reaction.omg
label.reaction.sad
label.reaction.anger

Хочаш падзяліцца важнай інфармацыяй ананімна і канфідэнцыйна?

0
хх / Адказаць
11.09.2022
у нас тут сваё такое зараз у рэальным часе. хоць і не прыродны ураган, а рукатворны. і расцягнуты па часе - не 5, а шмат дзён
Каб пакінуць каментар, калі ласка, актывуйце JavaScript у наладах свайго браўзеру