Некаторым беларусам адмаўляюць у прыёме заяў на гуманітарную візу ў Польшчы
Беларусы, якія жывуць у Польшчы, паведамляюць, што ім адмаўляюць у прыёме заяў на гуманітарную візу на тэрыторыі гэтай краіны. Супрацоўнікі візавага цэнтра абгрунтоўваюць гэта тым, што нібыта такія візы могуць атрымаць толькі тыя грамадзяне Беларусі, якія заехалі ў Польшчу з тэрыторыі Украіны пасля пачатку вайны, паведамляе Цэнтр беларускай салідарнасці.
Цэнтр лічыць такія адмовы неправамернымі і працуе над рашэннем праблемы. Ён мае намер звярнуцца ў МЗС Польшчы і іншыя кампетэнтныя органы, атрымаць юрыдычную інтэрпрэтацыю закона і накіраваць яе ў візавыя цэнтры.
Цэнтр просіць таксама пакуль што не звяртацца з гэтымі пытаннямі на ягоную інфалінію, каб не перагружаць яе. Як толькі ён будзе мець новую інфармацыю, то адразу абяцае падзяліцца ёй у сацыяльных сетках.
Раней у Польшчы было прынята распараджэнне аб выдачы нацыянальных віз іншаземцам, якія знаходзяцца на тэрыторыі Польшчы.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
