Фота тут і далей: Realt.by

Дом размешчаны ў пасёлку Калодзішчы, на вуліцы Лясныя азёры. Да МКАД — 5 хвілін, да цэнтра горада — 20 хвілін, а да аэрапорта — 30 хвілін на аўто. Пад'язныя шляхі асфальтаваныя, тэрыторыя зачынена, уезд праз шлагбаўм.

Вось як гэтая тэрыторыя выглядае цяпер з вышыні.

Размяшчэнне ўнікальнае: гэта жыццё на прыродзе з усімі гарадскімі выгодамі і магчымасцю хутка даехаць да Мінска. Побач з участкам знаходзяцца палі для гольфа, лясы. Тут вельмі ціха і свежа. Дарослыя, дзеці і хатнія жывёлы будуць пачувацца камфортна.

Нізкая шчыльнасць забудовы, стыльная архітэктура навакольных дамоў, дагледжаная тэрыторыя вакол — усё гэта стварае натхняльную атмасферу. Мясцовыя жыхары гуляюць у гольф, катаюцца на роварах і проста шпацыруюць, любуючыся маляўнічымі краявідамі і дыхаючы чыстым паветрам.

Цэнтральныя камунікацыі, гараж, СПА-зона і гатовы дызайн-праект

Вуглавы ўчастак, на якім размешчаны дом, прымыкае да гольф-палёў. Ён займае 25 сотак, а па факце ў гаспадароў будзе нават больш свабоднай тэрыторыі. Побач ужо няма месца для іншых участкаў, вакол — лес і дагледжаныя газоны гольф-клуба. Гэта гарантуе спакой і адзіноту.

На ўчастку — маладыя, але ўжо моцныя бярозы і хвойныя дрэвы.

Агульная плошча двухузроўневага дома — 840 м2, жылая — 228 м2. Ён пабудаваны па індывідуальным праекце, з улікам сучасных тэхналогій і патрабаванняў да энергаэфектыўнасці.

Падмурак і дах — маналітныя, сцены — з керамзітабетонных блокаў таўшчынёй 500 міліметраў. Архітэктура унікальная: роўныя лініі, строгія формы, якія разбаўляюцца адценнямі аздобных пліт — графітавым, карычневым і крэмавым. Тут няма лішніх дэталяў, усё глядзіцца гарманічна і грунтоўна.

Да дома прымыкае СПА-зона з рускай лазняй, хамамам і басейнам. Калі такія памяшканні будучым гаспадарам не спатрэбяцца, гэтыя пакоі можна зрабіць жылымі.

Вокны — панарамныя, з трайным браняваным шклом, шума— і цеплаізаляцыйныя. З кожнага памяшкання на першым паверсе ёсць выхад на вуліцу, прычым усе дзверы, за выключэннем параднаых, таксама цалкам зашклёныя.

Да ўчастка падведзеныя ўсе цэнтральныя камунікацыі, уключаючы газ. Гараж убудаваны: дзякуючы гэтаму ў халодную пару года аўтамабіль будзе ў цяпле, а гаспадарам не прыйдзецца выходзіць на мароз.

Унутры — велізарныя і добра распланаваныя памяшканні. Дом зручны высокімі столямі і шырокімі дзвярнымі праёмамі. Тут столькі прасторы, што аздабленне і напаўненне могуць быць любымі.

У холе першага паверха — камін вышынёй у чалавечы рост.

Для гэтага дома распрацаваны дызайн-праект інтэр'еру. Ён прадуманы дэталёва: напрыклад, у гасцінай — аздабленне каміна дэкаратыўным каменем у тон лесвічных прыступак, канапа, крэслы і пуфы пастэльных адценняў, навясныя свяцільні з цікавай геаметрыяй.

Зону сталовай аддзяляюць шкляныя дзверы-шырмы. Тут таксама пераважаюць светлыя адценні, стол на восем персон дапаўняе Навясная люстра ў сучасным стылі.

Кухня ў праекце — з велізарным востравам, каменнымі стальніцамі і ўбудаванай тэхнікай. Тут таксама прадугледжаная абедзенная зона.

СПА-зона на першым паверсе па праекце спалучае ў сабе прыродныя матэрыялы і сучасную сантэхніку. Ванны, басейн, хамам, шмат раслін, а на падлозе — шырокафарматная плітка. З парылкі адкрываецца від на хвойны лес. Уявіце: вы сядзіце ў гарачай лазні, а за акном — заснежаныя хвоі, гурбы і завіруха.

На другім паверсе — тры спальні і гардэробная. Тут удала спалучаюцца бэжавы, залаты і графітавыя адценні.

Кошт гэтага дома з участкам — тры мільёны даляраў. Гэта самая дарагая прапанова па загараднай нерухомасці каля Мінска.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
мясцовы2 / Адказаць
25.10.2022
Прыгожа)
А тым часам адзін дурань купляе нерухомасць ваоркастане з 8 лямаў.
1
Вадя / Адказаць
25.10.2022
Делать такие покупки в нестабильное время дело рискованное ,как мне кажется.Именем революции ,вполне ,могут отнять ,или разрушить до основания...такое здесь видели и не один раз...
0
Геля / Адказаць
25.10.2022
Цікава, каму належыць. Хутчэй за усе нехта з прыкарытнікаў ці іх дзяцей. Ратуюць сваю шкуру.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру