Імпарцёры лекаў будуць абавязаныя зніжаць на іх цэны пры адпаведнай змене курсу валюты
Лукашэнка падпісаў указ № 380, якім унесены змены ва ўказ № 366 ад 11 жніўня 2005 года «Аб фарміраванні цэнаў на лекавыя сродкі, вырабы медыцынскага прызначэння і медыцынскую тэхніку», паведамляе ягоная прэс-служба.
Дакументам вызначаюцца адзіныя падыходы да пераацэнкі імпартных медыцынскіх тавараў пры змене курсаў валют незалежна ад краіны вытворчасці.
Указам замацаваны абавязак імпарцёраў карэктаваць кошт медыцынскіх тавараў, пастаўленых з адтэрміноўкай плацяжу, пры зніжэнні курсаў валют. Гэта значыць, калі зніжаюцца курсы замежных валют, то імпарцёры мусяць змяншаць і цэны на лекі.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
