Японцы прыдумалі пральную машыну для людзей
Японская кампанія Science вырашыла рэалізаваць праект 1970-х гадоў і выпусціць у продаж пральную машыну для людзей — Project Usoyaro. Мыццё і сушка ў ёй будуць займаць 15 хвілін. Увесь гэты час чалавек зможа глядзець расслабляльныя відэа, піша Oddity Central.
Машына будзе чысціць, масажаваць і сушыць чалавека з дапамогай ультрагуку і высакахуткаснага струменя вады з малюсенькімі бурбалкамі паветра. Штучны інтэлект пасля аналізу датчыкаў падбярэ індывідуальныя налады і створыць патрэбную атмасферу ў пральнай машыне.
Чакаецца, што першы ўзор Project Usoyaro збяруць у 2024 годзе, а пакажуць публіцы ў 2025-м.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ