Паводле папярэдняй інфармацыі праваабаронцаў, Дзмітрыю і Уладзіміру Каракіным інкрымінаваны арт. 342 КК (актыўны ўдзел у групавых дзеяннях, якія груба парушаюць грамадскі парадак).

Нагадаем, пра іх затрыманне лукашысцкія тэлеграм-каналы напісалі 13 кастрычніка — паводле іх, браты «ўдзельнічалі ў незаконных маршах з перакрыццем дарог, заклікалі і агітавалі ў сацыяльных сетках, супрацоўнічалі з экстрэмісцкімі арганізацыямі».

Каб затрымаць 36-гадовага Дзмітрыя і 32-гадовага Уладзіміра Каракіных, да іх у дом уламіўся САХР у поўнай экіпіроўцы.

Браты заснавалі гурт у 2005 годзе, яшчэ ў школе. Гэта адзін з самых вядомых эстрадных гуртоў Беларусі. Першую міжнародную ўзнагароду яны выйгралі ў 2006 годзе — на Festival Internazionale di Maiori ў Італіі.

З гэтага часу іх кар'ера ішла ў гару: у 2010-м яны прадставілі Беларусь на фестывалі «Новая хваля» ў Юрмале, а ў 2012-м — на «Еўрабачанні». Праўда, там яны не патрапілі ў фінал, але атрымалі ўзнагароду Eurostar Award, конкурс па выніках «Еўрабачання», дзе пераможцаў вызначаюць анлайн-галасаваннем. 

Уладзімір таксама аўтар песень. Ён пісаў іх не толькі для гурта, але і для іншых зорак эстрады: Рыты Дакоты, Ганны Шаркуновай, Веры Карэтнікавай і іншых.

Яшчэ нядаўна яны былі ў фаворы. Менавіта Litesound стварыў гімн для Чэмпіянату свету па хакеі ў 2014-м годзе і гімны некалькіх спартыўных каманд. Музыкі ўдзельнічалі ў конкурсе песень цырымоній адкрыцця і закрыцця другіх Еўрапейскіх гульняў 2019 года, а таксама штогод выступалі на «Славянскім базары».

З паведамлення ў канале сілавікоў вынікала, што братоў затрымалі за ўдзел у дэманстрацыі 16 жніўня 2020 года, найбольшага шэсця за ўсю гісторыю незалежнай Беларусі. Таксама сілавікі сцвярджаюць, што «ў доме знайшоўся арсенал незарэгістраванай зброі, які належаў іх бацьку». Па якасці фота цяжка сказаць, што гэта за зброя, але большасць яе адназначна не баявая.

Падтрымаць музыкаў можна лістамі, бандэролямі і грашовымі пераводамі: Каракін Дзмітрый Юр'евіч або Каракін Уладзімір Юр'евіч (яны сядзяць у розных камерах). СІЗА-1. 220030, Мінск, Валадарскага, 2. Нагадаем, што грашовыя пераводы ў СІЗА-1 можна рабіць толькі з поштаў, праз інтэрнэт-банкінг няможна. 

Тры надзейныя спосабы падтрымаць іншых вязняў «Валадаркі»

label.reaction.like
label.reaction.facepalm
label.reaction.smile
label.reaction.omg
label.reaction.sad
label.reaction.anger

Хочаш падзяліцца важнай інфармацыяй ананімна і канфідэнцыйна?

1
Только ложки и балалайка, да боярышник / Адказаць
26.11.2022
Участники Евровидения, а это уже, в современной, лукашенковской Беларуси - крамола. Это же не участники скрепоносного конкурса игры на ложках и балалайке России, да конкурса по употреблению настойки боярышника, что полностью реабилитировало бы в глазах лукашистов.
0
Алек. Ру / Адказаць
26.11.2022
І канца не відаць затрыманняў. Такое ўражанне, што за кратамі паўкраіны, а можа і больш. Поўны адчай
0
Странный маневр / Адказаць
27.11.2022
Мдя, на Евробачанне в РБ так просто не попадают...
Каб пакінуць каментар, калі ласка, актывуйце JavaScript у наладах свайго браўзеру