У мінскім метро ўзнікла няштатная сітуацыя
Міністэрства надзвычайных сітуацый а 18-й гадзіне паведаміла, што ў мінскім метро адбылося задымленне. Няштатная сітуацыя была зафіксаваная на станцыі «Плошча Якуба Коласа».
Фота ілюстрацыйнае
У выніку аказалася, што на перагоне паміж станцыямі «Плошча Перамогі» і «Плошча Якуба Коласа» ўзніклі праблемы з напружаннем, адбылося пашкоджанне высокавольтнага кабелю.
Загарання ўдалося пазбегнуць, але метрапалітэн быў вымушаны ўвесці ў дзеянне рэзервовыя крыніцы сілкавання.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
