У Расіі павялічаць тэрмін службы прызыўнікам
Расійскія вайскоўцы тэрміновай службы будуць у войску паўтара года з вясны 2023, а з восені — тэрмін службы ўзрасце да двух гадоў, заявіў ваенны камісар па Дзмітраве, Талдаме і Дубне Міхаіл Фоцін. Цяпер тэрмін службы ў расійскіх прызыўнікоў — адзін год.
Скрын відэа
«Грамадзяне, прызваныя вясной, будуць служыць паўтара года, а прызваныя восенню 2023 года будуць служыць ужо два гады», — сказаў Фоцін у эфіры «Дмитров ТВ».
Такую інфармацыю давяло да ваенкаматаў кіраўніцтва, сцвярджае ён.
Па словах Фоціна, тэрмін службы трэба павялічыць, бо «нашы паўночныя суседзі ўступаюць у НАТА».
Праз некаторы час інтэрв'ю ваенкама выдалілі з сайта.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
