У снежні палітзняволеную жыхарку Пружанскага раёна Юлію Лаптановіч перавялі ў гомельскую жаночую калонію № 4, паведамляе «Вясна». Год таму Юлію і яе мужа Ігара асудзілі па «справе карагодаў». Ігара адправілі ў калонію, а жанчыне прысудзілі «хатнюю хімію». Але праз некалькі месяцаў Юлію затрымалі па новай крымінальнай справе.
Гродзенскі абласны суд 18 ліпеня асудзіў Юлію Лаптановіч па шасці артыкулах Крымінальнага кодэкса да пяці гадоў калоніі. У кастрычніку Вярхоўны суд скараціў ёй тэрмін на тры месяцы — да чатырох гадоў і дзевяці месяцаў зняволення, а таксама скарацілі суму штрафу амаль на тысячу рублёў.
На волі Лаптановічаў чакаюць трое дзяцей.
