У Іспаніі канфіскавалі больш за тону какаіну, які завозіўся пад выглядам какавы 5

Фота іспанскай Грамадзянскай гвардыі

Па звестках агенцтва, буйную партыю наркотыку выявілі падчас сумеснай аперацыі Грамадзянскай гвардыі і мытнага агенцтва Іспаніі.

«Агенты высветлілі, што злачынная арганізацыя гандляроў наркотыкамі збіралася выкарыстоўваць метад «сляпога кручка» для ўвозу наркотыкаў у Іспанію.

У прыватнасці, гандлёвае судна, якое рухалася з Гуаякіля (Эквадор) у порт Барселоны, перавозіла кантэйнеры з легальнымі таварамі какава-парашка, дзе было ўтоена 1340 кг какаіну», — гаворыцца ў публікацыі.

Прадстаўнікі датычных да аперацыі ведамстваў адзначылі, што белы парашок быў знойдзены ў мяхах на дне чатырох кантэйнераў, какава і какаін не былі змяшаныя.

Цяпер паліцыя высвятляе асобы злачынцаў, якія маюць дачыненне да адпраўкі і атрымання наркотыкаў.

Чытайце таксама:

Гомельскія мытнікі шукаюць наркотыкі па каледжах

Наркагандляры прыдумалі, як дастаўляць наркотыкі па ўсім свеце праз Amazon. Вы не паверыце, пад выглядам чаго

У Мінску спалілі палову тоны гераіну

Nashaniva.com

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ