Вынесены завочны прысуд расійскаму журналісту Аляксандру Няўзораву
Басманны суд Масквы завочна прысудзіў журналісту Аляксандру Няўзораву восем гадоў калоніі паводле справы аб дыскрэдытацыі войска.
Пракурор прасіў завочна асудзіць Няўзорава да дзевяці гадоў калоніі за «фэйкі» аб УС РФ.
Сам Аляксандр Няўзораў, які займае антываенную пазіцыю, пакінуў Расію ў сакавіку. На судовым пасяджэнні журналіста прадстаўляла адвакатка.
Прэзідэнт Украіны Уладзімір Зяленскі даў Няўзораву ўкраінскае грамадзянства.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
