Іран плануе пабудаваць у Расіі завод па вырабе дронаў-камікадзэ
Масква і Тэгеран плануюць выпускаць не менш за шэсць тысяч «Шахедаў» штогод, паведамляюць крыніцы The Wall Street Journal.
Улады Расіі і Ірана плануюць пабудаваць у расійскім горадзе Ялабуга ў Татарстане завод па вытворчасці ўдасканаленых іранскіх дронаў-камікадзэ Shahed-136.
WSJ сцвярджае, што 5 студзеня дэлегацыя Ірана агледзела пустуючую пляцоўку, дзе могуць пабудаваць завод.
Па словах крыніц WSJ, Іран і Расія распрацоўваюць удасканаленую мадэль Shahed-136, якая зможа лётаць далей і хутчэй.
Улады ЗША раней заяўлялі, што Іран паставіў Расіі сотні дронаў-камікадзэ Shahed-136, якія расійскія сілы выкарыстоўвалі для ўдараў па аб'ектах энергасістэмы Украіны.
Супрацьпаветраная абарона УСУ ў значнай ступені змагла нейтралізаваць пагрозу Shahed-136, адзначае WSJ.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ