Палітвязня асудзілі на год калоніі па «фаніпальскай справе» за ўдзел у пратэстах
У судзе Дзяржынскага раёна 21 лютага асудзілі палітзняволенага Ігара Пастухова паводле ч. 1 арт. 342 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) Крымінальнага кодэкса. Суддзя Таццяна Фядчук прызначыла Ігару адзін год пазбаўлення волі ў калоніі ва ўмовах агульнага рэжыму, паведамляе «Вясна».
Мужчыну затрымалі 9 жніўня 2022 года ў Фаніпалі. Яго абвінавацілі ў тым, што ў 2020 годзе Ігар перакрываў рух транспарту ў Фаніпалі, а менавіта ішоў па дарозе падчас акцыі пратэсту.
Дзяржабвінавачанне запрасіла для Ігара паўтара года зняволення. Суд вынес рашэнне асудзіць мужчыну на год калоніі агульнага рэжыму.
Падтрымайце палітвязня: ІЧУ Дзяржынскага РАУС. 222720, Мінская вобл., г. Дзяржынск, вул. Фаміных, 1а, Ігар Пастухоў.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
