У Якуціі паўночныя алені спынілі пасажырскі цягнік ВІДЭА
У Якуціі на шляху руху пасажырскага цягніка па маршруце Нерунгры — Алдан адбылося незвычайнае здарэнне. На чыгуначныя шляхі зайшла група паўночных аленяў, якія, гуляючы па рэйках, перакрылі шлях цягніку.
Гучныя сігналы, якія рабіў машыніст, выніку не далі, таму чыгуначнікі мусілі дзейнічаць дзедаўскім правераным спосабам.
Памочнік машыніста выскачыў з цягніка і проста сагнаў кіем жывёл з рэек. Толькі пасля таго састаў змог працягнуць свой шлях. Здарэнне было знятае на відэа.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
