Паводле інфармацыі МЭА, у сакавіку бягучага года экспарт расійскай нафты вырас да самага высокага ўзроўню з красавіка 2020 года.

Агульныя адгрузкі з РФ узраслі на 0,6 млн барэляў за суткі (б/с) — да 8,1 млн б/с. З іх пастаўкі нафтапрадуктаў павялічыліся на 450 тысяч б/с у дачыненні да папярэдняга месяца — да 3,1 млн б/с.

Даходы ад экспарту выраслі на 1 млрд даляраў у параўнанні з лютым — да 12,7 млрд даляраў. Аднак у гадавым выражэнні паказчыкі прыкметна пагоршыліся — даходы ўпалі на 43%.

Аналітыкі чакаюць, што да канца 2023 года сусветны попыт на нафту дасягне рэкордных 101,9 млн барэляў на суткі. Да 90% росту забяспечыць Кітай і краіны, якія ён падтрымлівае, мяркуюць у МЭА.

Скарачэнні здабычы нафты, зробленыя групай АПЕК+, у той жа перыяд прывядуць да зніжэння сусветных паставак на 400 тыс. барэляў на суткі, а рост здабычы краінамі, якія не ўваходзяць у картэль, не кампенсуе зніжэнне сукупнага паказчыка.

Раней паведамлялася, што шэраг краін АПЕК — Саудаўская Аравія, Кувейт і іншыя — абвясцілі аб скарачэнні здабычы нафты.

Чытайце таксама:

«Скарысталіся добрай воляй Чавеса». Экс-міністр Венесуэлы пацвердзіў, што Мінск не вярнуў яго краіне каля 1,5 млрд даляраў

Адзін з найбуйнейшых банкаў Індыі далучыўся да санкцый супраць расійскай нафты

Сярэдняя цана расійскай нафты ў першым квартале ўпала да 45%

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?