Вокладка канала Anonymous Russia
Сёння на каналах, звязаных з сеткай прарасійскіх хакераў Killnet, з'явілася паведамленне пра затрыманне лукашэнкаўскімі спецслужбамі адміністратара канала Anonymous Russia па мянушцы Mr. Raty.
Канал — цалкам прарасійскі і прапуцінскі. У ім шмат рэпостаў прамоў прэзідэнта Расіі і допісаў прарасійскай сеткі Killnet, якая атакавала шматлікія цэлі ў Еўропе і ЗША. Асоба самога Raty невядомая.
Пасля затрымання Raty сетка прарасійскіх хакераў пачала пагражаць лукашэнкаўскім спецслужбам. «Рэспубліка Беларусь — у чорным спісе», — напісаў у сваім тэлеграм-канале Killmilk, заснавальнік групы Killnet.
Паведамленні Killmilk'а ў розных тэлеграм-каналах
Адведзены хакерамі час заканчваецца каля сёмай раніцы па Мінску. Калі пасля гэтага Raty не выпусцяць, то яны абяцаюць атакаваць інфраструктуру беларускіх уладаў.
Абноўлена. Пазней расійскія хакеры выдалілі пагрозы ў адрас беларускіх улад, які размясцілі, даведаўшыся пра затрыманне паплечніка.
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»Чытайце таксама:
Беларускія кіберпартызаны заявілі пра ўзлом расійскага Раскамнагляда
Як выдаліць акаўнт у Telegram і стварыць яго нанова на віртуальны нумар — пакрокавы гайд
