Пляменніца караля Карла III прынцэса Яўгенія нарадзіла другое дзіця — хлопчыка, якога назвалі Эрнэст Джордж Роні.
Фота з інстаграма прынцэсы Яўгеніі
Яўгенія замужам за Джэкам Бруксбэнкам, у іх ужо ёсць сын Аўгуст, які нарадзіўся ў 2021 годзе. Пра нараджэнне дзіцяці пара абвясціла ў інстаграме. Яўгенія падзялілася фатаграфіяй Эрнэста ў вязанай сіне-белай шапачцы, піша Бі-бі-сі.
Яўгенія сказала, што малога назвалі ў гонар «яго пра-пра-прадзеда Джорджа, яго дзядулі Джорджа і майго дзядулі Рональда».
Пра-пра-прадзедам хлопчыка быў кароль Георг V, у якога адным з сярэдніх імёнаў было Эрнэст. Яно і дасталася нованароджанаму.
Фота з інстаграма прынцэсы Яўгеніі
32-гадовая Яўгенія — дачка герцага Ёркскага Эндру, сярэдняга сына каралевы, і Сары (Фергі), герцагіні Ёркскай, і ўнучка памерлай каралевы.
Новы каралеўскі сямейнік Эрнэст Бруксбэнк цяпер займае 13-е месца ў чарзе на пасад, а герцаг Эдынбургскі ў выніку яго з'яўлення на свет апусціўся на 14-е месца.
Вядома, што сваё першае дзіця Яўгенія нараджала ў прыватнай клініцы Portland Hospital.
На публіцы прынцэса апошні раз паказвалася 6 мая на каранацыі караля.
Чытайце таксама:
Кароль Карл III каранаваны афіцыйна
Каралеву Лізавету ІІ збіраліся забіць у 1983 годзе — дакументы ФБР
На каранацыі Карла III заўважылі нечаканага госця. Жарты ў сацсетках не спыніць
