Фота: vecteezy

Фота: vecteezy

На канферэнцыі Podcast Movement прадстаўнік кампаніі паведаміў, што да канца года на платформе сярод іншых абнаўленняў будзе разгорнутая падтрымка RSS-загрузкі для падкастараў. RSS — гэта вэб-канал, які дазваляе карыстальнікам і праграмам атрымліваць доступ да абнаўленняў вэб-сайтаў у стандартызаваным фармаце, які чытаецца камп’ютарам.

Падпіска на RSS-каналы можа дазволіць карыстальніку адсочваць шмат розных вэб-сайтаў у адным агрэгатары навін, які пастаянна адсочвае сайты на наяўнасць новага кантэнту, пазбаўляючы карыстальніка ад неабходнасці правяраць іх уручную. Агрэгатары навін (ці «счытвальнікі RSS») можна ўбудаваць у браўзэр, усталяваць на настольным кампутары або на мабільнай прыладзе

Акрамя таго, YouTube пацвердзіў у каментары для TechCrunch, што да канца года таксама разгарне падтрымку падкастаў і на YouTube Music. Раней кампанія абвясціла, што дадае падкасты ў свой стрымінгавы сэрвіс у ЗША на iOS, Android і ў вэб-версіі, але пакуль не пашырыла функцыянала на іншыя рынкі.

Такім чынам, кампанія будзе падтрымліваць магчымасць дадаваць RSS-каналы ў сваю бібліятэку ў YouTube Music, у тым ліку і прыватныя каналы. Гэта зробіць YouTube Music больш канкурэнтаздольным сярод аўтаномных праграм для падкастаў, у тым ліку Apple Podcasts, Overcast і іншых. І гэта мае вывесці YouTube Music наперад Spotify з пункту гледжання падтрымкі прыватных RSS-каналаў.

Spotify застаецца адзіным буйным дадаткам для падкастаў, які не падтрымлівае гэтую функцыю і аддае перавагу накіроўваць карыстальнікаў на ўласныя падпіскі на падкасты. Але ў рэчаіснасці многія карыстальнікі падпісваюцца ў іншых месцах, каб атрымаць доступ да прыватнай стужкі, а потым павінны загружаць гэтую стужку ў свой любімы прайгравальнік падкастаў.

Раней у гэтым месяцы Spotify у некаторай ступені капітуляваў у гэтым пытанні, абвясціўшы аб супрацоўніцтве з Patreon (папулярная платформа, якая выкарыстоўваецца шматлікімі падкастарамі), каб дазволіць фанатам слухаць іх Patreon-каналы, даступныя толькі для падпісчыкаў, таксама і ў дадатку Spotify.

Амбіцыі YouTube стаць найпапулярнейшым месцам для падкастаў існуюць ужо некаторы час. У мінулым годзе, напрыклад, кампанія дадала спецыялізаваную галоўную старонку падкастаў у якасці аднаго з варыянтаў навігацыі верхняга ўзроўню на відэаплатформе. Таксама стала вядома, што YouTube плануе круціць у падкастах аўдыярэкламу, якая прадаецца Google і іншымі партнёрамі.

Тым не менш, у той жа час, калі YouTube пашырае сваю дзейнасць у сферы падкастаў, ахопліваючы RSS-каналы, Spotify паступова пранікае на тэрыторыю YouTube з падтрымкай відэападкастаў. У канцы мінулага года Spotify пашырыў свае інструменты публікацыі відэападкастаў для стваральнікаў па ўсім свеце пасля таго, як упершыню дадаў відэападкасты для Spotify Originals і іншых шоу. Плюс Spotify дадаў новыя інструменты наладкі, аналітыку і іншыя элементы кіравання.

Чытайце таксама:

Як пачысціць і абараніць ваш YouTube — падрабязны гайд

YouTube больш не будзе прапаноўваць рэкамендаваныя відэа, калі ваша «гісторыя праглядаў» выключаная

Google расказаў пра 12 небяспечных праграм для Android. Вось чаму іх трэба выдаліць зараз жа

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?