Меркавана, на фота збіты ў СІЗА зняволены Ігар Стралкоў. Фота: прарасійскія тэлеграм-каналы
Па словах Рэгінскай, дадзенае фота з'яўляецца фэйкам.
«Любыя паведамленні жоўтых тэлеграм-каналаў пра Ігара Стралкова з'яўляюцца хлуснёй. Якія нізкія людзі пішуць у гэтых каналах! Бог ім суддзя. А пра ўмовы ўтрымання майго мужа ў Лефортава можна даведацца ў мяне і ў яго адваката», — напісала Міраслава Рэгінская.
24 верасня некаторыя расійскія прапагандысцкія каналы выклалі фота моцна збітага чалавека, паводле іх версіі, Ігара Стралкова, камандзіра расійскіх штурмавых атрадаў у 2014 годзе, былога міністра абароны так званай «ДНР», а пазней — блогера, вядомага сваёй шавіністычнай пазіцыяй.
У СІЗА Стралкоў трапіў у ліпені за вострую крытыку Міністэрства абароны, Генштаба і нават Крамля і Уладзіміра Пуціна за недастатковыя, паводле яго, дзеянні Расіі на вайне з Украінай.
Чытайце таксама:
«Ён сварыўся на людаедаў за іх недастатковы апетыт». Навальны назваў Стралкова палітвязнем
Заходнія СМІ высветлілі, хто цяпер кіруе спадчынай Прыгожына ў Афрыцы
