Джо Байдэн. Фота: Susan Walsh / AP

Джо Байдэн. Фота: Susan Walsh / AP

Прэзідэнт ЗША Джо Байдэн некалькі гадзін таму апублікаваў у сацсетцы X (ранейшы Twitter) твіт-разважанне аб матывах ХАМАС і вайне. Фармулёўкі твіта прымусілі сацсеткі і сусветную прэсу гадаць: зрух гэта ў палітыцы ЗША адносна Ізраіля ці, напрыклад, частка перадвыбарнай кампаніі, піша Бі-бі-сі.

Твіт, апублікаваны ў асабістым акаўнце Байдэна, а не ў афіцыйным твітары прэзідэнта ЗША, пачынаецца з заявы, што ХАМАС арганізаваў набег на Ізраіль 7 кастрычніка, бо больш за ўсё баіцца міру паміж ізраільцянамі і палесцінцамі.

«Працягваць ісці шляхам тэрору, гвалту, забойстваў і вайны — гэта значыць даваць ХАМАС тое, чаго ён хоча. Мы не можам гэтага рабіць», — далей абвяшчае запіс Байдэна.

Карэспандэнт Бі-бі-сі Трэйсі Бічам адзначае, што тон гэтай рэплікі моцна адрозніваецца ад афіцыйных заяў Вашынгтона, які падтрымлівае пазіцыю Ізраіля, паводле якой вайну нельга спыняць, пакуль ХАМАС не знішчаны або прынамсі не выгнаны з сектара Газа.

«Незразумела, ці не звяртаўся Байдэн — рыхтуючыся да выбараў у наступным годзе — да той часткі ўнутранай аўдыторыі, якая настроена больш скептычна і крытыкуе яго адміністрацыю за безумоўную падтрымку Ізраіля», — адзначае Бічам.

Карэспандэнт «Аль-Джазіры» ў Вашынгтоне Пэці Кулхейн таксама адзначае, што дагэтуль Байдэн выказваўся пра войну ў Газе зусім у іншым тоне.

«А цяпер, калі насамрэч разабраць гэтую заяву ў сацсетцы — ён кажа: ХАМАС хоча вайны, мы не можам гэтага дапусціць. Ці мае ён на ўвазе, што вайна павінна спыніцца? — разважае карэспандэнт «Аль-Джазіры» і заключае, што заява Байдэна выглядае як сігнал аб зруху ў палітыцы, але ўсё ж выклікае шмат пытанняў.

Чытайце таксама:

Ізраільскі дыпламат: Мір з ХАМАС немагчымы

Ілан Маск: ХАМАС павінен быць знішчаны

Што распавядаюць першыя вызваленыя закладнікі ХАМАС

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?