Гружаны друзам «МАЗ» ноччу ўпаў з моста ў Прыпяць
13.03.2014 / 10:33
13 сакавіка каля 2.40 у Жыткавіцкім раёне «МАЗ», гружаны друзам, упаў з моста ў Прыпяць.
ДТЗ адбылося каля вёскі Чэрнічы на аўтадарозе Тураў — Жыткавічы. Грузавік упаў у пойменную зону ракі, апынуўшыся на астраўку пасярод вады. Кіроўцу дасталі з кабіны супрацоўнікі МНС, з некалькімі пераломамі ён дастаўлены ў бальніцу.
МАЗ перавозіў друз з вёскі Глушкавічы Лельчыцкага раёна да чыгункі ў Жыткавіцкі раён.
Усе абставіны і прычыны ДТЗ высвятляе Дзяржаўтаінспекцыя.