Sieminary dla nastaŭnikaŭ pa vusnaj historyi — 5 i 12 krasavika
14.03.2014 / 13:05
Internet-prajekt «Biełaruski archiŭ vusnaj historyi» MHA «Historyka» i HA «Dyjaryuš» zaprašajuć usich zacikaŭlennych da ŭdziełu ŭ infarmacyjnych mierapryjemstvach pa temie «Vusnaja historyja ŭ adukacyjnym pracesie», jakija adbuducca:
— 5 krasavika ŭ Homieli,
— 12 krasavika ŭ h. Hrodna.
Mierapryjemstva ŭ Minsku 30 sakavika, jakoje płanavałasia, admianiajecca.
Na sieminarach vy zmožacie daviedacca pra pryncypy i asablivaści zbora vusnahistaryčnych materyjałaŭ z vučniami, mahčymaści ich vykarystańnia ŭ vykładčyckaj dziejnaści. Akramia taho, my prapanujem vam paznajomicca z asnoŭnymi etapami ažyćciaŭleńnia vusnahistaryčnaha prajekta, u jakim vučni prymajuć niepasredny ŭdzieł, z mahčymaściami i asablivaściami vykarystańnia videa- i aŭdyjozapisaŭ interv’iu śviedkaŭ času na školnych zaniatkach.
Taksama, na sieminary, my paznajomim vas z raspracoŭkami ŭrokaŭ pa historyi Biełarusi i hramadaznaŭstvu z vykarystańniem interv’iu śviedak času. U vyniku sumiesnaj dziejnaści «Biełaruskaha Archiva Vusnaj Historyi» i nastaŭnikaŭ z roznych abłaściej Biełarusi ŭ 2013 hodzie byŭ vypuščany dysk z prykładami materyjałaŭ takich urokaŭ. Kožny ŭdzielnik atrymaje taki dysk.
Akramia taho, vy zmožacie padrabiazna daviedacca pra konkurs dla školnikaŭ «1939 hod u pamiaci žycharoŭ Biełarusi», atrymać mietadyčnyja materyjały i parady da napisańnia konkursnych prac. Nahadvajem, što pracy prymajucca da 15 maja.
Čakajem vašyja zajaŭki na ŭdzieł da 1 krasavika na adras konkurs@nashapamiac.org.
Vydatki na prajezd — za košt arhanizataraŭ.
Usie pytańni vy možacie zadać pa telefonach: 8 029 397 52 15 (Volha), 8 029 358 31 84 (Pavieł)