Łukašenka: Rana ci pozna daviadziecca prymać novuju Kanstytucyju
14.03.2014 / 20:57
Alaksandr Łukašenka nie vyklučaje mahčymaści pryniaćcia ŭ budučym novaj Kanstytucyi Respubliki Biełaruś. Ab hetym jon zajaviŭ 14 sakavika na sustrečy z sudździami Kanstytucyjnaha suda.
Havoračy pra dalejšaje raźvićcio kanstytucyjnych asnoŭ biełaruskaj dziaržavy, Łukašenka nie vyklučyŭ, što ŭ budučym spatrebicca ŭniasieńnie niejkich źmianieńniaŭ, adpaviednych duchu novaha času i raźvićciu hramadstva.
«Rana ci pozna daviadziecca prymać novuju Kanstytucyju. Kanstytucyju nie pierachodnaha pieryjadu, a sfarmiravanaha i stałaha na niejki pieryjad času našaj dziaržavy, - zajaviŭ biełaruski lidar. - Kali my jaje budziem stvarać, ja vielmi chacieŭ by, kab členy, sudździ Kanstytucyjnaha suda, uvieś Kanstytucyjny sud u heta byli ŭklučany jak hramadzianie».