Dźmitryj Kisialoŭ pryhraziŭ ZŠA jadziernaj vajnoj VIDEA

16.03.2014 / 22:57

Viečaram 16 sakavika televiadučy Dźmitryj Kisialoŭ nahadaŭ u pramym efiry vynikovaj prahramy Rossii-1 «Viesti niediełi» ab mahčymaści jadziernaj vajny pamiž Rasijaj i ZŠA.

«Rasija — adzinaja kraina ŭ śviecie, zdolnaja pieratvaryć ZŠA u radyjeaktyŭny popieł» — u pryvatnaści zajaviŭ jon, razvažajučy ab mahčymych sankcyjach krain Zachadu z-za dziejańniaŭ Rasii ŭ Krymie.

Taksama Dźmitryj Kisialoŭ, jaki źjaŭlajecca taksama hienieralnym dyrektaram infarmacyjnaha ahienctva «Rossiia siehodnia» (byłoje RIA «Novosti»), rekamiendavaŭ hledačam pračytać zamietku ŭ «Rossijskoj hazietie» ad 22 studzienia, dzie havorycca pra rasijskuju sistemu harantavanaj jadziernaj adpłaty «Pierymietr».

Akramia Rasii i ZŠA jadziernaj zbrojaj taksama vałodajuć Vialikabrytanija, Francyja, Kitaj, Indyja i Pakistan. Najaŭnaść jadziernaj zbroi ŭ KNDR i Izraila dakładna nie pacvierdžana.

{POLL#217}