У Маскве пасольства Украіны закідалі дымавымі шашкамі
17.03.2014 / 12:59
Актывісты партыі «Другая Расія» закідалі пасольства Украіны ў Маскве дымавымі шашкамі. Пра гэта дзяржаўнаму інфармагенцтву «Укрінфарм» паведамілі ва ўкраінскім пасольстве.
«У панядзелак раніцай чацвёра прадстаўнікоў партыі «Другая Расія», а таксама карэспандэнт выдання «Грані.Ру» здзейснілі напад на ўкраінскае дыпламатычнае прадстаўніцтва. Нападнікі кінулі на тэрыторыю пасольства дзве дымавыя шашкі», — сказаў суразмоўца агенцтва.
Па словах прадстаўніка пасольства, нападнікі таксама раскідалі па тэрыторыі дыпламатычнай місіі лістоўкі з надпісам «Кіеў — рускі горад».
Усе парушальнікі правапарадку былі затрыманыя маскоўскай паліцыяй.