У Ліцэі БДУ адкрыецца хіміка-матэматычны накірунак
17.03.2014 / 20:06
Izvestiaur.ru
Ліцэй БДУ — адзіная навучальная ўстанова Беларусі, дзе будзе ажыццяўляцца набор старшакласнікаў па хіміка-матэматычным профілі. Нікірунак адкрываецца з 2014/2015 навучальнага года.
Рашэнне аб увядзенні такога накірунку абумоўленае запатрабаванасцю супрацоўнікаў хімічных і хіміка-тэхналагічных спецыяльнасцяў у айчыннай і сусветнай прамысловасці, адзначыла прэс-служба БДУ.
У 2014/2015 навучальным годзе ў ліцэі плануецца адкрыць адзін клас хіміка-матэматычнага напрамку, для паступлення ў які школьнікам неабходна здаць уступныя экзамены па хіміі і матэматыцы.
Такім чынам, з наступнага года навучанне ў Ліцэі БДУ будзе ажыццяўляцца па пяці напрамках: фізіка-матэматычным, хіміка- біялагічным, хіміка-матэматычным, філалагічным і грамадствазнаўчым.
Уступныя выпрабаванні запланаваныя на 11, 18 і 24 траўня.
Яшчэ адной навіной уступнай кампаніі 2014 стане права выбару экзаменаў, калі абітурыент паступае на грамадствазнаўства. гэта ўжо другі год практыкуецца на філалагічным накірунку. Акрамя таго, для абітурыентаў ліцэя з 28 красавіка па 5 мая на серверы дыстанцыйнага навучання будуць арганізаваныя бясплатныя рэпетыцыйныя экзамены.