KDK choča, kab Biełaruś admoviłasia ad śmiećciepravodaŭ
17.03.2014 / 21:45
Foto.cheb.ru
Čas śmiećciepravodaŭ u žyłych damach Biełarusi syjšoŭ. Da takoj vysnovy pryjšoŭ staršynia Kamiteta dziaržaŭnaha kantrolu Alaksandr Jakabson padčas pasiadžeńnia rabočaj hrupy pa vyvučeńni prablemnaŭ ŽKH.
Alaksandr Jakabson, jaki ŭznačalvaje hetuju rabočuju hrupu, adznačyŭ, što skasavańnie sistemy śmiećciapravodaŭ u Homielskaj vobłaści było realizavana ŭžo niekalki hadoŭ tamu, kali jon byŭ tam hubiernataram. U vyniku nasielnictva bolš aktyŭna karystajecca kantejnierami dla raździelnaha zboru bytavych adkidaŭ.
Jak adznačyŭ pieršy namieśnik staršyni Minharvykankama Uładzimir Kucharaŭ, u staličnych šmatkvaternych damach zavaryli ŭžo kala 300 śmiećciepravodaŭ, u pieršuju čarhu niestandartnych. I hetaja praca budzie praciahnutaja.
U toj ža čas treba aktyvavać pracu pa asobnym zbory śmiećcia. Namieśnik ministra žyllova-kamunalnaj haspadarki Anatol Šahun skazaŭ, što ŭkaranieńnie raździelnaha zboru adchodaŭ u Biełarusi z ulikam jeŭrapiejskaha vopytu pačałosia niekalki hadoŭ tamu.
«Kali patrabavańni pa asobnym zbory śmiećcia jurydyčnymi asobami bolš-mienš vykonvajucca, to situacyja z nasielnictvam kudy składaniej, — pryznaŭsia jon. — Adnak peŭnyja stanoŭčyja vyniki dasiahnutyja».
«U 2005 hodzie było 4,4 tys. ton druhasnych materyjalnych resursaŭ sabrana asobna, u 2013-m — 55 tys. ton. Heta značyć rost u 14 razoŭ. Ale hetaha, biezumoŭna, niedastatkova», — adznačyŭ jon.