Jułija Cimašenka stvaryła paralelnuju Radu biaśpieki Ukrainy
21.03.2014 / 21:24
REUTERS
Lider partyi «Baćkaŭščyna», eks-premjer-ministr Jułija Cimašenka praviała naradu z udziełam śpiecyjalistaŭ u abaronnaj i vajennaj sfierach i prapanavała stvareńnie pastajanna dziejučaha štaba, jaki budzie vypracoŭvać rašeńni dla reahavańnia na pahrozy, jakija paŭstali pierad Ukraina z-za vajennaj ahresii z boku Rasii.
Na naradzie prysutničali pryznanyja śpiecyjalisty abaronna-vajennaha błoka. Pavodle słovaŭ Cimašenki, situacyja, jakaja skłałasia «prymušaje šukać ekstraardynarnyja rašeńni dla reahavańnia na vajennuju ahresiju Rasiei na novym uzroŭni».
Jana adznačyła, što aneksija Kryma rychtavałasia Rasiejaj daŭno, płany byli bolš maštabnymi, i nie vyklučaje, što rasijski prezident Uładzimir Pucin budzie praciahvać ich realizacyju.
«Što datyčacca śvietu, to my budziem nastojvać, kab vajennaja dapamoha ŭ lubym kantekście pryjšła. My budziem nastojvać, kab jany pašyrali sankcyi. Ale ŭsio realisty: my zastalisia adzin na adzin u vielmi ciažkaj situacyi», — padkreśliła Cimašenka i prapanavała ŭdzielnikam narady abjadnacca dla raspracoŭki Płana dziejańniaŭ pa reahavańni na vajennuju ahresiju Rasii, aneksiju Kryma i niedapuščeńni dalejšaj eskałacyi.
«Ja ŭpeŭnienaja, što situacyju ŭ našym vojsku vy viedajecie biezdakorna, razumiejecie, što i jak adbyvajecca. Situacyja ciažkaja. Tamu, uličvajučy vaš dośvied, chočacca pahavaryć i pačuć vašyja parady pa hetaj situacyi», — adznačyła jana.
Pa vynikach narady vypracavany pakiet ź niekalkich dziesiatkaŭ prapanovaŭ, jaki terminova budzie nakiravany kiraŭnictvu Ukrainy.