U Lidzie buduć sudzić za ŭskładańnie kvietak da mahiłaŭ nacyjanalnych dziejačaŭ

Akcyju paličyli niesankcyjanavanym mierapryjemstvam.

23.04.2014 / 14:13

25 sakavika hrupa ludziej ź siami čałaviek naviedała mahiłu dziejačaŭ Biełaruskaj niezaležnickaj partyi ŭ Lidzie i mahiłu hienierała Kipryjana Kandratoviča, člena sakrataryjata BNR, u Voranavie. Uźniali bieł-čyrvona-bieły ściah, uskłali kvietki, zapalili śviečki. A supracoŭniki milicyi pierapisali va ŭdzielnikaŭ pašpartnyja źviestki. Paźniej na ich skłali administratyŭnyja pratakoły, a 24 krasavika ich čakaje sud u Lidzie — za parušeńnie paradku arhanizacyi albo praviadzieńnia masavych mierapryjemstvaŭ.

Pra heta raskazaŭ adzin z udzielnikaŭ mierapryjemstva Juryj Dziašuk, jaki atrymaŭ pozvu. A takija ž pozvy na adnolkavy čas pryjšli i astatnim ŭdzielnikam. Dziašuk adznačyŭ, što nijakich pramoŭ padčas uskładańnia kvietak nie było. Raniej takija pajezdki ładzilisia štohod, ale abychodziłasia biez zatrymańniaŭ i sudoŭ.

Zhodna z zakanadaŭstvam, ich mohuć papiaredzić, aštrafavać da 30 bazavych (4,5 młn rubloŭ) albo adpravić na sutki.