Па краіне ў нядзелю — моцныя працяглыя дажджы
23.08.2014 / 13:24
У Беларусі 24 жніўня будзе воблачна, ноччу з праясненнямі, паведамілі БЕЛТА ў Рэспубліканскім гідраметэацэнтры.
Ноччу месцамі пройдуць кароткачасовыя дажджы. Днём на большай частцы тэрыторыі краіны чакаюцца дажджы, у заходніх і цэнтральных раёнах — працяглыя моцныя дажджы. У асобных раёнах магчымыя навальніцы. Вецер паўднёва-ўсходні ўмераны, днём парывісты.
Тэмпература паветра ўначы складзе плюс 8-14 градусаў, днём чакаецца да 15-21 градуса цяпла, на ўсходзе - да плюс 24 градусаў.
Такі характар надвор'я адпавядае аранжаваму ўзроўню небяспекі.