Баскетбол. Беларусь на апошніх секундах перамагла Кубу і выйшла ў наступны этап
28.09.2014 / 20:54
Кацярына Сныціна - гераіня двух матчаў, Reuters.com
Жаночая зборная Беларусі выйграла другі матч на чэмпіянаце свету па баскетболе, што праходзіць у Турцыі.
Сёння на апошніх секундах беларускі вырвалі перамогу ў Кубы з лікам 70:69 (15:22, 20:15, 15:19, 20:13), прычым за тры хвіліны да канца сустрэчы беларускі саступалі 11 балаў, за хвіліну — пяць.
Як і ў матчы з Карэяй, фінальную кропку трохачковым кідком паставіла Кацярына Сныціна.
Беларусь, як мінімум, выйшла ў плэй-оф.
Апошні матч у групавым турніры падапечныя Рымантаса Грыгаса згуляюць з Аўстраліяй (у аўторак).
Пераможца гульні напрамую выйдзе ў 1/4 фіналу, а каманда, што прайграе, згуляе ў плэй-оф.