Генпракурор Украіны: закон аб люстрацыі не адпавядае Канстытуцыі
30.09.2014 / 16:11
Генпракурор Віталь Ярэма заяўляе, што некаторыя нормы закона аб люстрацыі не адпавядаюць Канстытуцыі Украіны і міжнароднаму заканадаўству.
Пра гэта ён сказаў на брыфінгу ў Кіеве ў аўторак.
«Гэты закон ў многіх выпадках не адпавядае Канстытуцыі Украіны і патрабаванням міжнароднага заканадаўства», — лічыць генпракурор.
Па словах Ярэмы, пад дзеянне гэтага закона падпадае больш за мільён грамадзян, чым парушаюцца прынцыпы адказнасці.
«Калі закон уступіць у сілу, мы спародзім вялікую колькасць зваротаў у суды, у тым ліку ў Еўрапейскі суд па правах чалавека», — кажа Ярема.