Беларускі разгромна саступілі Аўстраліі, згуляюць у плэй-оф з Кітаем
30.09.2014 / 18:15
Жаночая зборная Беларусі на чэмпіянаце свету ў Турцыі бясслаўна завяршылі групавы турнір. У гульні з фаварыткамі групы аўстралійкамі ў нашых дзяўчат не атрымлівалася зусім нічога – 87:45.
Першыя хвіліны хіба што Алена Леўчанка вылучалася на гэтым сумным фоне, але пасля фізічна падсела і яна. У нашых было вельмі шмат страт мяча, неабавязковых фалоў.
Цяпер у плэй-оф за выхад у чвэрцьфінал зборная Беларусі згуляе з камандай Кітаю (трэцяе месца ў групе D). Гульня адбудзецца заўтра а 19:15.