Ukraina, Čarnahoryja, Ałbanija, Isłandyja dałučylisia da sankcyj JES suprać Rasii
15.10.2014 / 22:44
«Krainy-kandydaty (členy JES) Čarnahoryja, Isłandyja i Ałbanija, a taksama Lichtenštejn, Narviehija, členy Jeŭrapiejskaj ekanamičnaj zony i Ukraina dałučajucca da hetaha rašeńnia», - havorycca ŭ paviedamleńni Rady Jeŭrasajuza.
Novy pakiet sankcyj ZŠA i Jeŭrasajuza ŭ dačynieńni da Rasii ŭ suviazi z ukrainskim kryzisam ustupiŭ u siłu 12 vieraśnia. Tady pad sankcyi patrapili, siarod inšych, piać rasiejskich enierhietyčnych kampanij — «Rośnieft», ŁUKOJŁ, «Hazprom», «Hazprom Nieft» i «Surhutnieftiehaz». Ciapier u krainach Zachadu dziejničaje zabarona na pastaŭku ŭ hetyja kampanii tavaraŭ, pasłuh i technałohij, jakija nieabchodnyja dla zdabyčy nafty na hłybakavodnych učastkach, arktyčnym šelfie i ŭ słancavych płastach. Akramia hetaha, kampanijam zabaroniena brać kredyty ŭ ZŠA na termin bolš čym 90 dzion.
Raniej, 15 kastryčnika, Jeŭrasajuz abvierh paviedamleńni ab chutkaj admienie sankcyj suprać Rasii.