Кіраўніцтва спраў прэзідэнта і Нацбанк выкупілі «Банк Масква-Мінск»
Расійскі прадавец аказаўся пад санкцыямі Захаду.
28.10.2014 / 18:38
У Нацбанку адбылося падпісанне дамовы куплі-продажу кантрольнага пакета акцый ААТ «Банк Масква-Мінск».
Пакупнікамі акцый сталі Нацбанк і «Парытэтбанк», якім валодае Кіраўніцтва справамі прэзідэнта.
Акцыі набыты ў расійскага «Банка Масквы» і швейцарскай кампаніі БМ Холдынг АГ, якія ўваходзяць у расійскую Групу ВТБ. Адметна, што і «Банк Масквы», і група ВТБ аказаліся пад санкцыямі Захаду.