Na mitynhu la meryi Maskvy žorstka zatrymanyja nastaŭniki i daktary
29.10.2014 / 20:39
Uviečary 29 kastryčnika maskoŭskaja palicyja zatrymała ŭdzielnikaŭ mitynhu pobač z budynkam meryi. Pavodle dadzienych «OVD-Info», siem čałaviek byli zatrymanyja, dvoje paźniej byli adpuščanyja.
Usiaho ŭ akcyi prymali ŭdzieł kala 40 čałaviek. Bolšaść ź ich — piedahohi i daktary, jakija zastalisia biez abiacanaha žyłla.
U apošni čas u Maskvie prachodziać šmatlikija akcyi pratestu suprać abjadnańnia škoł, u pryvatnaści suprać likvidacyi škoły «Intelektuał». Apošni mitynh prachodziŭ na Lermantaŭskaj płoščy 25 kastryčnika. Taksama pastupajuć šmatlikija paviedamleńni ab skaračeńniach i ŭ miedycynskaj sfiery.