Крымінал: Цела вывезлі ў Віцебскую вобласць і ўтапілі ў возеры
Прыяцелі забілі мінчука дзеля машыны.
13.11.2014 / 16:21
Спакусіліся на гэту машыну.
Як паведамілі ў ГУУС Мінгарвыканкама, 10 лістапада ў міліцыю звярнуўся жыхар сталіцы: ужо некалькі дзён не мог знайсці 24-гадовага пляменніка, які знік разам з машынай і буйной сумай грошай.
Аператыўнікі крымінальнага вышуку высветлілі, што да знікнення могуць мець дачыненне двое жыхароў сталіцы 30 і 35 гадоў.
«Як растлумачылі затрыманыя, са зніклым яны былі знаёмыя і падтрымлівалі сяброўскія адносіны. Аднак дзеля завалодання яго аўтамабілем пайшлі на забойства. Цела сваёй ахвяры вывезлі ў Віцебскую вобласць і ўтапілі ў возеры»,
— адзначылі ў ГУУС.
Заведзена крымінальная справа.